-(e)an bidalia

E-Learning erabilerraza

Eusko Ikaskuntzaren Asmoz Fundazioak, APTES eta GUREAK erakundeekin batera eta Kutxa fundazioaren diru-laguntzari esker, adimen-desgaitasuna duten pertsonen on line formakuntza diseinatzeko oinarrizko eskakizunak barnebiltzen dituen dekalogoa, nahi duenarentzat eskuragarri jarri du. Proiektu honetan, adimen-desgaitasuna duen pertsona baten ikasketa ezaugarriei moldatutako, Internet bidezko formazio bat garatzeko, oinarrizko gida egin da.

http://accesibilidadonline.asmoz.org/

Egun, desgaitasuna, gizarte testuinguru batean funtsezko desabantaila bat irudikatzen duen pertsonaren funtzionamendu mugen adierazletzat jotzen da, betiere, funtzionamendu egoera bati erreferentzia eginez, ez kondizio bati. Horrela, marko teorikoa, giza-funtzionamenduaren bost dimentsioen eta horrek, laguntza-paradigmekiko duen harremanean ardazten da.

Hortaz, hurrengo oinarrizko hiru prozesutan dauden laguntza beharretan zentratuko gara batez ere: Arreta, Memoria eta Pertzepzioa.

Laguntza beharrak, era berean, on line formakuntza baten diseinu prozesuaren hurrengo ataletan banatu dira (kontutan izanda, ikasmaterialen diseinua ardatza dela eta gainerako elementuak hari kateatzen direla):

  2. Moodle (Content Management System, LCMS). Irakaskuntza kudeatzeko sistema da Moodle, on line moldeko ikastaroak sortzeko programa-multzoa. Erreminta hau, librea, estandarra eta Asmoz Fundazioak erabiltzen duena dela kontutan hartuz, erreferentziatzat hartu da.
  3. Ikasmaterialen diseinua.

Gogoratu:

  • Adimen-desgaitasuna ez da buruko gaixotasuna.
  • Adimen-desgaitasuna duten pertsonak, hiritarrak dira gainontzekoak bezala.
  • Pertsona guzti hauek berezkoak diren gaitasun, gustu, amets eta beharrak dituzte. Guztiok bezala.
  • Adimen-desgaitasuna duen pertsona orok aurrera egin dezake, laguntza egokia jaso ez gero.

Anima zaitez! Edozein dela zure parte-hartzea desgaitasuna duen pertsonei moldatutako formakuntza baten diseinu-prozesuan, ñabardurak izan arren, funtsean, beste edozein diseinu prozesuren parekoa dela ikusiko duzu.

Horrelako formakuntza motak aurrera eramateko aukera aztertzera eramatea espero dugu!

-(e)an bidalia

Pertsona itsuentzat teknologia lagungarriak

Pertsona itsuentzat teknologia lagungarriak

Erreboluzio digitala ez da persona guztiontzat berdina izan; jokoz kanpo geratu dira persona itsuak edo ikusmen bajukoak. Ordea, badira proiektu berritzaile batzuk teknologia berriak aprobetxatuz pertsona itsuei edo ikusmen bajukoei bizitza erraztu nahi dienak. Horrerako, 3 adibide aurkezten dizkizuegu:

  • Edozein testu irakur dezakeen eraztuna: askok hatza arrastan eramanez ikasi genuen irakartzen. Keinu hori egitea nahikoa litzateke pertsona itsuei edo ikusmen bajukoei edozein testu irakur dezakeen eraztunak lagundu ahal izateko, eraztunak testua ezagutuko du eta ahots altuan esango du.

 

  • Itsuentzako betaurreko inteligenteak: pertsona itsu gehienek ikusmen baju bat mantendu ohi dute, gehienetan argiaren eta mugimentuen arabera mugatua izaten dena. Betaurreko inteligenteek ikusmen baju hori aprobetxatzen dute; erabiltzen duten kamara eta software sistemak gertu dauden objektuak detektatzen ditu eta erabiltzaileak objektu horiek ezagutu ditzaten modu erraz batean aurkezten ditu.

 

  • Itsuentzako “Appstore”-a: askok pentsatzen dugu itsua izatea oztopo bat dela smartphone edo tablet bat erabiltzeko. Aldiz, aplikazio asko existitzen dira dagoeneko itsuei bizitza errazagoa egiten dienak. Ezagunenak audioliburuak edo ahots komandoak ditugun arren, badira beste batzuk ere esaterako: KNFB Reader-a, Tap Tap See-a, txanpon identifikatzaileak edo Color ID

 

Aplikazio hauek eta beste batzuk sakonago ezagutzeko Pertsona itsuentzako teknologia lagungarriak ikastaroaren bigarren edizioa antolatu dute APTES Elkarteak eta Asmoz Fundazioak.

-(e)an bidalia

Asmoz Fundazioak etb-ren “Tribuaren Berbak” saioan oinarrituriko “Hizkuntzen mundua eta euskara deskubrituz” sekuentzia didaktikoak aurkeztu ditu

tribuaren berbak

Bi hizkuntza ofizialen erabilera sozialaren desoreka konpentsatzeko, euskarak lehentasunezko tratua behar duela kontutan hartuz; eta, bestetik, soziolinguistika lantzeko material gutxi dagoela ikusita, interesgarria iruditu zaigu Asmoz Fundazioan, ETB1eko “Tribuaren Berbak” programan landutako edukiak, DBH mailako material didaktiko osagarri gisa lantzea. Proiektuaren helburu nagusia da ikasleak inguratzen dituen errealitate soziolinguistikoaz jabetzea eta eleaniztasunaren eta euskararen aldeko jarrera aktiboa izan dezaten sustatzea.
Aurkezpenean parte hartu dute:
– Maite Iturbe Mendialdua, EITBren zuzendari nagusia.
– Iñaki Dorronsoro Plazaola, Eusko Ikaskuntzaren Asmoz Fundazioaren lehendakaria.
– Kike Amonarriz Gorria, proiektuaren zuzendaria.
– Iñaki Zapirain Retegi, sekuentzia didaktikoen koordinatzailea.
– Josune Zabala Alberdi, aholkulari metodologikoa.
Egitasmoa, Heziberri 2020 Planaren hezkuntza eredu pedagogikoaren markoan, Eusko Jaurlaritzaren EIMA 2.0 Ikasmaterial digitalak argitaratzeko programari esker garatu ahal izan da, Soziolinguistika Klusterraren aholkularitzarekin.
Informazio gehiago:

-(e)an bidalia

Zerbait berri ikasteko 4 Youtube-kate

Asmoz - 4 Youtube-kate

Jakin badakigu Youtube ia hondorik gabeko entretenimendu gune izugarria dela: bideoklip-ak, film laburrak, era guztietako bideo-muntaiak… denetarik aurki dezakegu bertan. Sarritan, ordea, ez dugu kontuan hartzen zer edo zer ikasteko edo gure burua aberasteko tokia ere izan daitekeela. Eta ikasturte hasierak zerbait berri ikasteko grina piztu badizu, horretarako propio sortutako Youtube-kateren bat bisita dezakezu. “Zerbait berri ikasteko 4 Youtube-kate” irakurtzen jarraitu

-(e)an bidalia

Crowdfundinga

dirua dolar

Kultura-proiektu bat daukazu eta finantzazio-iturrien bila zabiltza? Orduan, mikromezenasgoaren formula (ingelesez, crowdfunding) gero eta indar handiagoa hartzen ari dela jakin behar duzu.

Wikipediaren arabera: “Mikromezenasgoa (ingelesez, crowdfunding) dirua edo bestelako baliabideak erdiesteko asmoz, taldean egiten duten lankidetza da. Internet erabili ohi da beste pertsona edo erakunde batzuen ahaleginak eta ekimenak finantzatzeko. Mikromezenasgoa helburu askotarako erabil daiteke, hala nola jarraitzaileen laguntza bilatzen duten artistentzat, kanpaina politikoetarako, zorren finantzaziorako, etxebizitzarako, eskoletarako, anbulatorioetarako, bai eta konpainia edo negozio txikien sorkuntzarako ere”.

Crowdfundingeko Espainiar Elkartearen esanetan, crowdfunding-aren bidez 62 milioi euro lortu zituzten espainiar proiektuak (2013an baino % 114-a gehiago) 2014an. 2012an, apenas, 10 milioi euro lortu ziren bide honetatik, 29 milioi euro 2013an.

Baina zeintzuk dira crowdfunding mota desberdinak?

  • Donation based – Dohaintza: inbertitzaileak, hau da, ideia finantzatzen duenak, dohaintza bat egiten du. Ez du ezer jasotzen haren truke. Crowdfunding mota hau proiektu sozial eta zibilekin lotuta dago.
  • Reward based – Saria: proiektu bat finantzatzen da dirua ez den beste sari baten truke. Esaterako, disko baten grabaketa finantzatu eta diskoaren kopia bat edo taldea sustatzeko materiala (kamisetak, posterrak…) jaso daitezke haren truke.
  • Social lending edo peer to peer lending (Crowdlending): partikularren arteko diru-mailegua, merkatuak eskaintzen dituenak baino prezio onuragarriagoetan.
  • Equity based: ordainsari gisa, enpresa berriaren kapitalean parte hartzen da.

Sarean inbertitzaileak bilatzeko sistema honek ez zuen lege zehatzik, Enpresa Finantzazioa Sustatzeko apirilaren 27ko 5/2015 Legea onartu zen arte. 5. Kapituluak, laburbilduz, ondokoak jasotzen ditu:

  1. Crowdlendinga, hau da, peer to peer maileguak, zeinetan inbertitzaile “partikularrak” kopuru txikiak mailegatzen dizkiete enpresei proiektuak egiteko. Kopuru hauek interesekin itzultzen dira, modu honetan, inbertitzailea eta enpresa-proiektuaren arteko harreman komertziala amaituz.
  2. Crowdfunding Equity: akzio mikromezenasgoa, hots, inbertitzaile txikiak, konpainiaren akzioetan proportzionalki parte-hartzea.
  3. Kultura arloan gehien erabiltzen den mota, aldiz, lege honetatik kanpo gelditu da: emari edo errekonpentsak oinarri duen crowdfundinga (inbertitzaileei gauzatan ordaintzen zaienean).

Beste alde, legeak, inbertitutako kopurua eta funtsaren arabera, inbertitzaile akreditatu eta ez-akreditatuak desberdintzen ditu, haien eginkizunak jasoz ere. Enpresek eta proiektuek jaso ditzaketen kopuruak ere arautzen ditu (finantza-erakunde tradizionalak merkatu-kuota galdu ez dezaten egina omen dagoela eta, asko kritikatu da legea), baita finantziazio-plataformak (enpresa edo proiektu eta inbertitzaile arteko bitartekariak) zehaztu; baina, esan bezala, Sari eta Dohaintza crowdfunding motak arautu gabe utzi dira.

 

Webgune desberdinetarako estekak uzten dizkizugu jarraian; bertan, finantziazioa lortzeko mugimendu hau ezagutzen hasteko beharrezko den informazioa aurkituko duzu:

Kultur-berrikuntza proiektuetarako crowdfundinga (Zertarako balio du benetan crowdfunding kanpaina bat egitea? Zerk suposatzen du kanpaina bat egitea eta nondik hasten naiz?) (espainieraz): http://www.colaborabora.org/2016/03/02/crowdfunding-para-proyectos-de-innovacion-cultural/#more-4967

Crowdfunding plataformen zerrenda sektoreka antolatuta (espainieraz): http://www.universocrowdfunding.com/principales-plataformas-crowdfunding/

-(e)an bidalia

Giza Eskubideen inguruko berriak, nola komunikatu behar dira?

Giza Eskubideak

Giza Eskubideen gaia egun pil-pilean dagoen gai nagusietako bat da, bai kaleko jendearen ahotan zein komunikabideetan. Izan ere, mundu mailan ematen ari diren gertaerek, egun, XXI.mendean gauden honetan, Giza Eskubideen urraketa eta zapalketak oraindik ematen direla argi erakusten digute.

Baina nola komunikatu daiteke hori guztia era egoki eta zuzen batean? Gizabanako guztiek dute iritzi-eta adierazpen-askatasuna. Eskubide horrek barne hartzen du erlijioa eta sinesmena aldatzeko askatasuna eta bakoitzaren iritziengatik inor(k) ez gogaitzeko eskubidea, ikerketak egitekoa eta informazioa eta iritziak mugarik gabe eta nolanahiko adierazpidez jaso eta zabaltzekoa.

Hori guztia kontutan hartuta kazetariek kontu handiz ibili beharra daukate informazioa landu eta helarazterako orduan. Eurek emandako berria, edo idatzitako notizia, milaka eta milaka pertsonek irakurri, entzun edo ikusiko baitute eta horrek izan dezakeen efektu biderkatzailea ikaragarria da. Horregatik, funtsezkoa da berria argitaratu aurretik egin behar den lanketa prozesua. Horretan piska bat sakondu nahi izanez gero, Asmoz Fundazioak aurten 2.urtez jarraian antolatu duen Giza Eskubideak eta Hedabideak ikastaroa gomendatzen dizuet.

-(e)an bidalia

Europako Hizkuntza Aniztasunaren Foroa

hizkuntzak

Badira hilabete batzuk Hizkuntza Eskubideak Bermatzeko Protokoloaren prestaketa lanak hasiak direla. Momentu honetan eta uztailera bitarte, berau osatzeko neurrien proposamenak biltzen dihardute. Ondoren, Batzorde Zientifikoaren ordua izango da azken dokumentua prestatzeko.

Honetan lanean dabil Kontseilua eta Unesco Etxea eta Donostia2016 erakundeen laguntzarekin, abendurako prest izango dute aurkezpena egiteko. Besteak beste, horretarako, Europako Hizkuntza Aniztasunaren Foroa antolatuko da abenduaren erdikaldean Donostiako Kursaal Jauregian. Bertan, ikerlari, erakunde eta espezialista desberdinak biltzeko asmoa dute eta Europako hizkuntza gutxituen garapenaz solasteaz gain, eurak biziberritu eta normalizatzeko aukera berriak nola sortu izango dute helburu.

Hamabost urteko ibilbidea duen Hizkuntza Plangintza Graduondokoan urteak dira Kontseiluko Paul Bilbaok Hizkuntza eskubideen inguruan ere ikasgaia lantzen duela eta horrela eskainiko du azaroan hasiera emango zaion hurrengo edizioan ere.

Finean, hizkuntza lanbide tresna duzuenok, zorionez ala zoritxarrez, Donostia Europako Kultur Hiriburuaz baliatzeko urtea duzue honako hau.

-(e)an bidalia

Sare sozialetan egotea beharrezkoa al da?

sare sozialak

Sare sozialen joko-zelaia asko aldatu da azken urteetan eta korapilatzen ari da kontua. Aditu batzuen ustez, gero eta zailagoa da marketing-a sare sozialetan egitea. Kultur arloko elkarte, erakunde eta egitasmo asko sarean daude eta sare sozialak erabiltzen dituzte. Baina, zergatik daude sare sozialetan? Ondo erabiltzen al dituzte? Zer espero dute jarraitzaileengatik? Eta jarraitzaileek markarengatik? Kultur arloko profesionalengan pentsatuz, Asmozentzat garrantzitsua da komunikazioarengaia eta zentzu horretan hainbat ikastaro-proposamen dauzkagu 2016/2017 ikasturterako.

 

IAB (Interactive Advertising Bureau) erakundeak egindako sare sozialen inguruko azken azterketatik datu eta joera batzuk nabarmendu nahi ditugu gaurkoan, zuentzat interesgarri izan daitezkeelakoan. Ageriko datuak izan daitezke batzuentzat, baina marka ugarik kontuan hartzen ez dituztenak oraindik euren estrategiak diseinatzeko garaian. Honatx azpimarratu nahi izan ditugun datuak:

 

  • Marka bat sare sozialetan jarraitzen hasteko arrazoi nagusiak dira informatuta egoteko nahia (%47), markarekiko identifikazioa (%36) eta onuraren bat jasotzeko asmoa (zozketak/ beherapenak). Joera horiek azken bi urtetan mantendu egin dira.

 

  • Marka bat jarraitzen segitzeko arrazoiak, berriz, ondokoak dira: eduki interesagarriak eta kalitatezkoak plazaratzea eta gaur egungo gaiak eskaintzea eta lantzea. Bezeroaren Arreta Zerbitzu onagatik ere marka baten jarraitzaile izateko joera handitu egin da, azterketaren arabera.

 

  • Facebook da marka bat jarraitzeko gehien erabiltzen den sare soziala (%81), Twitter ondoren (%25) eta Instagram atzetik (%11).

 

  • Kultura, teknologia eta moda esparruak dira erabiltzaileek gehien jarraitzen dituztenak. Emakumeek gehien kultura eta moda, eta gizonezkoek, berriz, teknologia.

 

  • Azterketan parte hartu duten %31entzat marka bat sare sozialetan baldin badago, harekiko konfiantza handitu egiten da. Gazteak dira batez ere hori pentsatzen dutenak. %65ak, aldiz, uste du marka bat sare sozialetan egon edo ez, hori ez dela konfiantzarako erabakigarria.